Last Modified: February 29 2012 14:40:48.

ചാന്ദ്നീ ചാന്ദ്നീ
ചൈത്രമാസ ദേവയാമിനീ
പൂനിലാപ്പന്തലില്‍
പൊന്നണിഞ്ഞു പൂത്തുലഞ്ഞു വാ
മഞ്ഞിലേയ്ക്ക് നീ തുറന്നുവോ
മൂകമെന്റെ മോഹ ജാലകം
(ചാന്ദ്നീ )

നിന്‍ കണ്ണിലെ വെണ്‍പ്രാവുകള്‍
സല്ലാപമോതുന്നുവോ
നിന്‍ ചുണ്ടിലെ പൊന്‍ വാക്കുകള്‍
സംഗീതമാവുന്നുവോ
മിന്നി മായുമീ മണ്‍ ചെരാതിലെ
സ്വര്‍ണ്ണ വര്‍ണ്ണമാം നാളമായി നാം
നിന്റെ നാദമന്ദിരം സ്വയം തലോടവേ
(ചാന്ദ്നീ )

ഈ പൂക്കളും പൂന്തിങ്കളും
നീ തന്ന ദാനങ്ങളായ്
ഈ സന്ധ്യയും മണ്‍ വീണയും
നീ പോലുമെന്‍ സ്വന്തമായ്
മാഞ്ഞു പോകുമീ മൌനഗാനവും
വേണുവൂതുമീ മന്ത്ര രാഗവും
നിന്റെ മഞ്ഞു കൂട്ടിലിട്ടു പങ്കുവച്ചു ഞാന്‍
(ചാന്ദ്നീ )