Last Modified: February 29 2012 14:39:44.
സാന്ധ്യതാരം തിരിയണച്ചു
ശ്യാമയാമം മിഴിയടച്ചു
യാമിനീ നിന്‍ മൗനം തേങ്ങി
എങ്ങുപോയി വനമാലി
(സാന്ധ്യ...)

മണ്‍ചെരാതിന്‍ നാളങ്ങള്‍ മിന്നും
കണ്ണീര്‍ക്കൂരയില്‍ തനിച്ചിരിക്കെ
ഉറങ്ങാന്‍ മറന്നു നീ പാടുകയായി
ഏതോ സാന്ത്വന പ്രണയഗീതം
(സാന്ധ്യ...)

പോക്കുവെയിലിന്‍ പൊന്നാട മങ്ങി
പൂമയില്‍പ്പീലിതന്‍ ഇതള്‍ മയങ്ങി
വിളിച്ചാല്‍ കേള്‍ക്കാത്ത വിജനമാം രാവില്‍
വിരഹിണി ഇന്നും കാത്തിരിപ്പൂ
(സാന്ധ്യ...)