Last Modified: August 24 2018 03:09:49.
കണ്ണുകളിൽ കണ്ണുകൾ മുങ്ങി
കഥനിറയും കരളിലിറങ്ങി
തിരച്ചാർത്തിലാനയനങ്ങൾ
തിരയുന്നേതൊരു പവിഴം
തിരയുന്നേതൊരു പവിഴം

പൂത്തിരികൾ ചുണ്ടിലൊതുക്കി
കാർത്തിക നീ മുന്നിലിറങ്ങി
വെളിച്ചത്തിൽ ഞാൻ തേടുന്നു
നിന്നനുരാഗപ്പവിഴം
നിന്നനുരാഗപ്പവിഴം
ഹാപ്പി ബർത്ത്ഡേ ടു യൂ -2
ഹാപ്പി ബർത്ത്ഡേ ടു യൂ ടു യൂ...
(കണ്ണുകളിൽ...)

സമ്മാനം നൽകുവാൻ സൂക്ഷിക്കാം ഞാനതെൻ
ഉള്ളിലെയോർമ്മത്തിരകളിലാടും ചിപ്പിയിലെന്നെന്നും
(സമ്മാനം നൽകുവാൻ...)
എടുത്തു ഞാൻ അണിഞ്ഞിടും
വിരുന്നുകാർ കുഴങ്ങിടും
കള്ളനാതിഥേയനോ
നിൻ വനിയിൽ വസന്തമായ്
പടർന്നുകയറാൻ കൊതിമടിയരുതിനി
(നിൻ വനിയിൽ...)
ഹാപ്പി ബർത്ത്ഡേ ടു യൂ ടു യൂ
(പൂത്തിരികൾ...)

കണ്ണാടിക്കൂട്ടിലെ സ്വർണ്ണമൽസ്യമെന്നപോൽ
എന്റെ മനസ്സിൽ നീന്തുകയല്ലോ പകൽക്കിനാവേ നീ
(കണ്ണാടിക്കൂട്ടിലെ...)
ഉടച്ചു ഞാൻ ഇറങ്ങിടും
കഴുത്തിൽ ഞാൻ കുരുക്കിടും അടിമയായ് മാറിടും
അരമനയിൽ അടിമയായ് വിരുന്നുവരുവാൻ കൊതി അനുമതി തരൂ
ഹാപ്പി ബർത്ത്ഡേ ടു യൂ ടു യൂ
(കണ്ണുകളിൽ...)