Last Modified: February 29 2012 15:05:45.

അമൃതകലയായ് നീ വിടരുന്നെന്‍ നഭസ്സില്‍
അമൃതമഴയായ് നീ പൊഴിയുന്നെന്‍ മനസ്സില്‍
ഇനിയെന്‍ നിഴലാകാന്‍ പ്രിയതോഴീ
വന്നാലും വന്നാലും പ്രിയതോഴീ
(അമൃത...)

നിന്‍ നേത്രമെഴുതുമൊരു സന്ദേശം
സന്ദേശകവിതയിലെന്‍ മോഹജാലം
രോമാഞ്ചമണിയുകയായ് കാമിനീ
കോപിഷ്ഠയായ് നിന്ന സുന്ദരീ
സുന്ദരീ... സുന്ദരീ...
ഒരു നാളും വാടാത്ത മലരു തരാം
(അമൃത...)

നിന്‍ വാക്കിലൊഴുകുമൊരു സംഗീതം
സംഗീതധാരയിലെന്‍ മൗനങ്ങള്‍
വാചാലമാകുകയായ് രാഗിണീ
കോപിഷ്ഠയായ് നിന്ന സുന്ദരീ
സുന്ദരീ... സുന്ദരീ...
ഒരു നാളും കൊഴിയാത്ത കതിരു തരാം
(അമൃത...)