Last Modified: November 12 2012 17:16:24.




കുമുദിനി പ്രിയതമനുദിച്ചു
പ്രമദവനങ്ങള്‍ ചിരിച്ചൂ
കുസുമബാണനെന്‍ കവിളില്‍ നാണത്തിന്‍
കുംകുമരേഖകള്‍ വരച്ചു...
കുമുദിനി പ്രിയതമനുദിച്ചു....

ജീവിതേശ്വരാ നിനക്കു വേണ്ടി ഞാന്‍
ദേവസൌഗന്ധികം ചൂടി
(ജീവിതേശ്വരാ...)
പ്രാണനാഥന്റെ കാതുകള്‍ കവരാന്‍(2)
വീണാവാദിനിയായി ഞാനൊരു
വീണാവാദിനിയായി
(കുമുദിനി...)

ആത്മനായകാ... നായകാ....
ആത്മനായകാ ചൈത്രസമീരനില്‍
ആരാമമുല്ലയെപ്പോലെ
ആത്മനായകാ ചൈത്രസമീരനില്‍ ആരാമമുല്ലയെപ്പോലെ
രാഗസംഗീതലഹരിയില്‍ ഞാനൊരു രാജീവസുമമായാടീ
(കുമുദിനി....)