Last Modified: November 29 2012 08:36:00.

ഉദയത്തിലൊരു രൂപം മധ്യാഹ്നത്തിലൊരു രൂപം
സായന്തനത്തില്‍ വെറോരു രൂപം
ഹരിഗീതപുരവാസാ ശ്രീ മുരുകാ
തിരുവിഗ്രഹം കണ്ടു മതിമറന്നേൻ
ഉദയത്തിലൊരു രൂപം....

നിർമ്മാല്യം മാറ്റിയാൽ ബാലസുബ്രഹ്മണ്യന്‍ - 2
അഭിഷേകം കഴിയുമ്പോൾ ദിഗംബര യതിവര്യൻ - 2
മുഴുക്കാപ്പ് ചാര്‍ത്തിയാല്‍ വല്ലിമനോഹരൻ - 2
മുക്കണ്ണൻ മകനേ നിൻ തിരുവിളയാടല്‍ കണ്ടേന്‍
ഉദയത്തിലൊരു രൂപം....

കണ്ണിരുകൊണ്ടു ഞാൻ കാവടിയാടിടാം - 2
പനിനീരായ്‌ തൂകിടും നിൻ തിരുമേനിയിൽ - 2
കനവുകള്‍കൊണ്ടു ഞാൻ കാവടിയാടിടാം - 2
കളഭമായ്‌ കതിരിടും നിൻ തിരുമേനിയിൽ
ഉദയത്തിലൊരു രൂപം....