Last Modified: June 12 2020 15:30:41.



വജ്രകിരീടം ശിരസ്സിലണിയും
വൈദ്യുതദീപമേ
ഈ നിദ്രാമുറിയില്‍ നീയെന്തിനിങ്ങനെ
നിശബ്ദതപസ്സിനു വന്നു?

കൈമണിച്ചെപ്പിലെയഗ്നിനാളം കൊണ്ട്
കര്‍പ്പൂരമുഴിയാനോ എന്റെ
അഷ്ടമംഗല്യത്തളികയില്‍ വാടാത്തോ-
രര്‍ച്ചനാപുഷ്പമായ് വിടരാനോ?

ചുറ്റോടുചുറ്റുമീ ചുമരിന്മേലെന്റെ
ചിത്രം വരയ്ക്കാനോ?
എന്‍ നിഴല്‍ നീര്‍ത്തുമീയന്ധകാരത്തിനാല്‍
എന്നുമുഷസ്സുകള്‍ മറയ്ക്കാനോ?

മറ്റാരും കാണാത്തൊരേകാന്ത രാത്രിയില്‍
മാറോടുചേര്‍ക്കുമ്പോള്‍ കണ്ണൊന്നടച്ചേക്കൂ
ഞാനല്പനേരമാ കൈവലയത്തിലമര്‍ന്നോട്ടെ!