| വിശദവിവരങ്ങള്‍ | |
| വര്‍ഷം | 2018 |
| സംഗീതം | അതുൽ ആനന്ദ് |
| ഗാനരചന | ശ്രീജിത്ത്‌ അച്യുതന്‍ നായര്‍ |
| ഗായകര്‍ | സുചിത് സുരേശൻ |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 27 2018 17:08:56.
കണ്ണാടി നോക്കുമീ കുരുന്നു താരകം വിരുന്നിനെത്തുമീ വഴിക്കുമിന്നു നീലരാത്രിയിൽ കൂട്ടുപോരുമോ..... മഞ്ചാടിയെണ്ണി ഞാൻ...വരാതിരുന്നു നീ കുഞ്ഞു ചില്ലു ജാലകത്തിലൂടെ ഒന്നു വന്നു തൊട്ടതും നോക്കി നിന്നതും..... പാതിരാ കാറ്റിലാടുമീ... കുരുന്നു പാരിജാതപ്പൂക്കളെത്തി നോക്കിയോ കുറുമ്പുകൾ കാട്ടി ഈ വഴി ഇന്നൊരിമ്പമേറും ഈണമുള്ള പൂങ്കുയിൽ വരുന്നു കൂട്ടിനായ്.... പണ്ടേ മറന്നൊരാ കുഞ്ഞി കടങ്കഥ ഇന്നെന്റെ കാതിൽ മെല്ലെ മെല്ലെ വന്നു വീണുവോ.... കുണുങ്ങി നിൽക്കുമീ പളുങ്കു നീർക്കണം തുളുമ്പിനിൽക്കും ഈണമായ് തെളിഞ്ഞു മോഹമായ് ആനന്ദമായ് വർണ്ണജാലങ്ങളായ് കാണുമീ ലോകമിന്നേകമായ്.... ഒരുങ്ങുമാകാശവും പിന്നെ ഈ ഭൂമിയും തുടിക്കുമീ കുഞ്ഞു നീർത്തുള്ളിയിൽ...... സഞ്ചാരിയാകുവാൻ അപ്പൂപ്പൻ താടിയും കിടന്നുറങ്ങുമീ മരത്തിൻ കുഞ്ഞുശാഖിയിൽ അതും ഈ വഴി കടന്ന തെന്നലും അടുത്തുവന്നൊതുങ്ങിനിന്നുണർത്തി മെല്ലെ ആലോലമായ് അന്നു പോകുന്നൊരീ കുഞ്ഞിതൾത്തുമ്പിയായ് മാറിടാം... വിടർന്നൊരീ സൗഹൃദം നിറങ്ങൾ ഏഴായിരം സുഗന്ധമേകുന്നൊരീ യാത്രയിൽ...... പാതിരാ കാറ്റിലാടുമീ... കുരുന്നു പാരിജാതപ്പൂക്കളെത്തി നോക്കിയോ കുറുമ്പുകൾ കാട്ടി ഈ വഴി ഇന്നൊരിമ്പമേറും ഈണമുള്ള പൂങ്കുയിൽ വരുന്നു കൂട്ടിനായ്.... |
|