Last Modified: October 15 2015 07:42:00.

ഇതു പാരോ സ്വർഗ്ഗമോ...മായാലോകമോ
കടലല തന്ന കനവിനു മറുകരയോ.....
മായാമോഹിനി...ഇവളേതോ കാമിനി...
നഗരമിവൾ നുര പതയും നിറകുടമോ....
ആകാശക്കൂടാരത്തിൻ കീഴേ.....
ആദിത്യചന്ദ്രന്മാരും പോന്നോ.....

കണ്ണു ചിമ്മാതെ തിര പോലേ...തഴുകിടുവോൾ...
ഉള്ളിലുന്മാദം കടലോളം നൽകിടുവോൾ
ആടിയും പാടിയും ആരോടും കൂടും
ആ മിഴി നോക്കിയിരുന്നിടവേ...രാവുകൾ പകലുകളാരറിയാൻ...
യാത്രികരായ് മാത്രകളായ് കുമിളകളായ്....
ആനന്ദ താളത്തിൽ ആടവേ...ആയുസ്സു പോരാ പോരെന്നോതുമോ...
ഇതു പാരോ സ്വർഗ്ഗമോ...മായാലോകമോ....
കടലല തന്ന കനവിനു മറുകരയോ.....

കൊണ്ടു പോരാനോ...വഴിയില്ലീ കാമുകിയെ...
കണ്ടു തീരാനോ കഴിയില്ലീ മോഹിനിയെ....
ആരിലും ആരിലും ആവേശം ആളും
ഓടിയകന്നു മറഞ്ഞിടിലും...കൂടെവരും നിഴലായ് അരികേ
ആർത്തണയും ചേർത്തുലയും തിരമറിയും...
ആഴത്തിലാഴത്തിൽ ആഴവേ...
തീരത്തു നാളെ കാലത്തടിയുമോ......
(ഇതു പാരോ സ്വർഗ്ഗമോ....)