Last Modified: February 04 2014 04:38:55.

നിഴലേ നിഴലേ എവിടെ...നീയെവിടെ
നിഴലേ നിഴലേ അകലേ...നീയകലേ..
ഇരുളിൻ മറയിൽ അരികേ നീയുണ്ടോ...
ഇനിയെൻ വഴിയിൽ തുണ നീ ഇല്ലെന്നോ...
(നിഴലേ നിഴലേ...)

പകലിലോ നിലാവിൻ മടിയിലോ
തെളിയുമോ അതോ കഥ തുടരുമോ...
ഓർക്കാതെ കൂട്ടാവും എൻ നോവുകൾ
തീണ്ടാത്ത തീരങ്ങൾ തേടിയോ...നീ...
ഞാൻ കയ്യേൽക്കും ശാപങ്ങൾ നീ പോകും തീരത്തും
നിഴലായുണ്ടോ കൂടെ...
(നിഴലേ നിഴലേ...)

മിഴികളിൽ തെളിഞ്ഞതു മുഴുവനും
ശരികളോ മെനഞ്ഞൊരു കഥകളോ...
കാണാത്ത വേരെന്നിൽ നീ തേടവേ
നേരിന്റെ ദൃശ്യങ്ങൾ കണ്ടുവോ നീ...
ഞാൻ ഞാനല്ലാതായെന്നോ നിൻ ചാരെ നിന്നാലും
അറിയാതെ പോയെന്നോ....
(നിഴലേ നിഴലേ...)