Last Modified: March 21 2012 13:10:48.

നിശാസുരഭീ.....നിശാസുരഭീ......
നിന്നെയുമേതോ കാണാക്കരങ്ങൾ കവർന്നുവോ
മനസ്സിൻ തളിർത്താളിൽ മയങ്ങും മയിൽപ്പീലി
നിറവാർന്നൊരീ........
നിലാവിൻ നീർപ്പൊയ്കയിൽ പൂക്കളായ്......

പറയാതെ പോയ നേരിൻ പരിവേഷദീപ്തിയോടെ
ഒരു നോക്കിലായിരം പൂ വിരിയുന്ന മൗനമോടെ
പൊലിയാത്ത പൂക്കൾ പോൽ
ഒരു മൺചിരാതിൻ തിരുനെറ്റിയിൽ
എരിയുമിരുതിരി നാം.......
നിശാസുരഭീ......
നിന്നെയുമേതോ കാണാക്കരങ്ങൾ കവർന്നുവോ...

ഒരു കുഞ്ഞുവീണ ചാർത്തും ഇരുതന്തിയല്ലീ നമ്മൾ
പ്രണയാർദ്രഗീതമാവാൻ ഇണ ചേർന്നൊരീണമല്ലേ
കവിയെ തിരഞ്ഞുപോം കമനീയഭാവം
ചിറകാർന്നുവോ അരിയൊരരയന്നമായ്.......
നിശാസുരഭീ.......
നിന്നെയുമേതോ കാണാക്കരങ്ങൾ കവർന്നുവോ
മനസ്സിൻ തളിർത്താളിൽ മയങ്ങും മയിൽപ്പീലി
നിറവാർന്നൊരീ........
നിലാവിൻ നീർപ്പൊയ്കയിൽ പൂക്കളായ്......