വിശദവിവരങ്ങള് | |
വര്ഷം | 2010 |
സംഗീതം | ഐസ്സക് തോമസ് കൊട്ടുകാപ്പള്ളി |
ഗാനരചന | നെടുമുടി ഹരികുമാർ |
ഗായകര് | ലഭ്യമല്ല |
രാഗം | ലഭ്യമല്ല |
അഭിനേതാക്കള് | ശ്രീജിത്ത് രവി ,നിഷാന്ത് സാഗർ |
ഗാനത്തിന്റെ വരികള് | |
Last Modified: February 29 2012 14:55:22.
പുഴപോയി ..മഴപോയി .. പുളിനങ്ങളില് നേര്ത്ത ജലമര്മ്മരത്തിന്റെ ചേലുപോയി . ഹരിതാഭപോയ്പ്പോയ് സുഗന്ധവും കുളിരുമായ്... ഒരു തെന്നലെത്താത്ത കാലമായി . കരിമേഘമില്ലാത്ത പകലുപോല് കനകാഭ ചൊരിയുന്ന നക്ഷത്രമണ്ഡലംപോല് ഒരു സ്വപനമുണ്ടുള്ളില് അതുമാത്രമാണിനി വിപണനം ചെയ്യുവാന് ഏകവസ്തു . കുളിമറക്കാം കൊച്ചുകൂട്ടരേനമ്മള്ക്കു കുളിയും കളിയും മറന്നിരിക്കാം ... കുടിനീരിനായ് കുമ്പിള്കുത്തിയ കയ്യുമായ് തെരുവ് തോറും നടന്നിരവ്തേടാം ഗതിമാറിയൊഴുകട്ടെ പമ്പയെന്നാലെന്തു ഗതി നമ്മള് മുന്നോട്ടൊരുക്കയല്ലേ തലതിരിഞ്ഞാലെന്തു തലയിലെങ്കിലെന്ത- റിയില്ലവയുടെ പാഠഭേദം . ഒരു കൈക്കുടന്നത്തെളിനീരുമായ് കടവില് ഒരുമാത്രയങ്ങിനെ നിന്നിടുമ്പോള് പിറകില്നിന്നാരോ വിളിച്ചു ചൊന്നിടുന്നു വിലതന്നു വേണം ജലമെടുക്കാന് അത്കേട്ട് ഞെട്ടിത്തെറിച്ചു കയ്യില്നിന്നു ജലമത്രയും വീണുചിതറിടുമ്പോള് കഠിനകാലത്തിന്റെ കല്പടവില്നിന്നു നിലവിളിയോരോന്നുയര്ന്നുകേള്പ്പു വിലതരില്ലാര്ക്കുമീ നദിയമ്മയാണന്റെ വിലയറിയാത്തൊരു നിധിയുമാണ് . വിലതരില്ലാര്ക്കുമീ നദിയെന്റെയുയിരാണ് വിമലജന്മാര്ജിത പുണ്യമാണ് ..... |