Last Modified: February 29 2012 14:54:34.

വനമാലി നിന്നോടക്കുഴലിൽ നിന്നൊഴുകുന്നു
സുന്ദര യമുനാ നദി പാടും ഗാനം
തിരി തെളിയും സന്ധ്യാ നേരം
ഗുരുവായൂരമ്പാടിക്കണ്ണന്റെ തിരുനടയിൽ
തൊഴുതു വിടർന്നു നിൻ പനിനീർക്കനവ്
അന്നത്തെ പുഞ്ചിരിമുകുളങ്ങൾ
ഉം..ഉം ഇന്നിപ്പോൾ മലരായ് വിടരുന്നു
(വനമാലി.......)

അല്ലിപ്പൂങ്കടവിത്തിന്നരയോളം വെള്ളം
ആമ്പൽ പൂവഴകിന്നൊരു പതിനാറു വയസ്സ് (2)
ഗോപികമാർ നീരാടും വെള്ളിനിലാ പാൽത്തിരയിൽ
മുഴുകാനിന്നെന്നുള്ളിൽ തീരാമോഹം
നീ വേണം കൂടെ ഞാൻ വേണം
നമ്മുടെ സ്വപ്നങ്ങൾ ഒന്നായ് തീരേണം
(വനമാലി.......)

മാധവാമാസം വന്നു മാധവനെ തേടി
മധുരം തിരുമധുരവുമായ് ഗോപാംഗന പാടി (2)
നന്ദനവും നന്ദിനിയും മന്ദാര പൂവനിയും
തേടി നിന്നിൽ വീണലിയും നിമിഷം
നീ വേണം കൂടെ ഞാൻ വേണം
നമ്മുടെ സ്വപ്നങ്ങൾ ഒന്നായ് തീരേണം
(വനമാലി.......)