Last Modified: February 29 2012 14:38:05.


പാടാത്ത വീണയും പാടും
പ്രേമത്തിൻ ഗന്ധർവ്വ വിരൽ തൊട്ടാൽ
പാടാത്ത മാനസവീണയും പാടും (പാടാത്ത)

സ്വപ്നങ്ങളാൽ പ്രേമസ്വർഗ്ഗങ്ങൾ തീർക്കുന്ന
ശിൽപ്പിയാണീ മോഹ നവയൗവ്വനം (സ്വപ്നങ്ങളാൽ)
നീലമലർമിഴിത്തൂലിക കൊണ്ടെത്ര
നിർമ്മല മന്ത്രങ്ങൾ നീയെഴുതീ
ഓ.....ഓ...
മറക്കുകില്ല..മറക്കുകില്ല...
ഈ ഗാനം നമ്മൾ മറക്കുകില്ല (പാടാത്ത)

ചിന്തകളിൽ രാഗചന്ദ്രിക ചാലിച്ച
മന്ദസ്മിതം തൂകി വന്നവളേ (ചിന്തകളിൽ)
ജന്മാന്തരങ്ങൾ കഴിഞ്ഞാലുമിങ്ങനെ
നമ്മളൊന്നാകുമീ ബന്ധനത്താൽ
ഓ...ഓ...അകലുകില്ല... അകലുകില്ല...
ഇനിയും ഹൃദയങ്ങളകലുകില്ല (പാടാത്ത)