Last Modified: February 29 2012 14:37:41.


മുട്ടി വിളിക്കുന്നു വാതിലില്‍ മധുമാസം
ഉദ്യാനപാലകാ ഉണരുണരൂ-ഉണരുണരൂ
പുത്തനാം രഥമേറി വന്നൂ വസന്തറാണി
ഉദ്യാനപാലകാ ഉണരുണരൂ-ഉണരുണരൂ


മരതകക്കാടുകള്‍ ആയിരമായിരം
നവരത്നമണിദീപം കൊളുത്തിവെച്ചൂ
പരിമളതൈലം പൂശി പവിഴമല്ലികള്‍ കൈയ്യില്‍
പനിനീര്‍ വിശറിയേന്തി ഒരുങ്ങിയല്ലോ
(മുട്ടി വിളിക്കുന്നു)

സ്വപ്നവൃന്ദാവനത്തില്‍ പൂവിറുക്കുവാന്‍ വന്ന
അപ്സരരമണിയാണീ വസന്തം
മുഗ്ധമാം പ്രേമത്തിന്റെ മുത്തുക്കുടയുമായി
എത്തുക നീയിവളേ എതിരേല്‍ക്കുവാന്‍
(മുട്ടി വിളിക്കുന്നു)