Last Modified: September 14 2020 13:41:18.
ചിണ്ടൻ ഗണപതി മടലെട് തൊടലെട്
തണ്ടൻ ഗണപതി തടിയെട് വടിയെട്
കൊമ്പുകുഴൽ മേളം പമ്പകൊട്ടു താളം
തമ്പുരാൻ കുന്നടിമുടി എളകി എരച്ചെണീറ്റ്
വാരിക്കുഴിക്കരയ്‌ക്കെത്തുന്നേലെ ഹൈലസാ
തെറ്റുകൊമ്പൻ വീണേ ഒറ്റപ്പെട്ടതാണേ
വക്കുവടം കുരുക്കിട്ടു മുട്ടിതട്ടിക്കേറ്റാനെത്തും
പ്രായിക്കരപ്പാപ്പാനിപ്പം കുഴിയിടിയ്ക്കും
തൃത്തുടി ചെണ്ട ഇടയ്ക്ക പെരുമ്പറ
തകിലടി പുകിലൊടു തിമില കൊരവമൊഴി

മോഹം പൊതവയ്ക്കും ഇടനെഞ്ചിൻ ആഴത്തിൽ
വീഴും കനവാകും കുഴിയാനക്കുഞ്ഞുങ്ങൾ
പതം വരുത്തുവാൻ സ്വന്തം ജന്മം പോലും പാപ്പാനാകും
ഹേ... കാരവടി നീട്ടിത്തല്ലും ഇടത്തിയാനേ
ചങ്ങലകൾ പൂട്ടിച്ചൊല്ലും വലത്തിയാനേ
നിരതെറ്റ് കൊമ്പനടിതെറ്റിവീണ കരളുള്ള കൂട്ടുകാരേ
പുലരിത്തിടമ്പനെഴുന്നെള്ളിടുന്ന പെരുവഴിയേ വാ പൂഹേയ്...

വെട്ടം നടവയ്ക്കും മുകിൽവെള്ളാനക്കൂടിൽ
ചുറ്റും ഇടതട്ടും വെയിൽ താപ്പാനച്ചൂരിൽ
ആന കേറാ മാമലയിൽ ആള് കാണാ പൂമലയിൽ
എട്ടുനിലയഴകു കുരുത്തേ കൊടവിരിഞ്ഞേ
പത്തുപറ മുറിവുപൊരുത്തീടെല ചൊരന്നേ
പകലിന്റെ നെഞ്ചിലിടിമിന്നലേറ്റ മുറിവാറ്റി മക്കളേ വാ
പരലുപ്പും ഇത്തിരി പനംകുരുപ്പുമിനിയിതിലേ താ പൂഹേയ്...