Last Modified: December 04 2020 05:52:08.


തോഴി നിനക്കൊരു കവിത
മിഴിനീരില്‍ എഴുതിയ കവിത
ഓര്‍മ്മയില്‍ ഓമനിക്കാന്‍ പഴയൊരു സുഹൃത്തിന്റെ
ഒരിക്കലും മരിക്കാത്ത കവിത
(തോഴി നിനക്കൊരു കവിത )

മനസ്സുകള്‍ അടുത്തിട്ടും പരിണയ മാല്യത്തിന്‍
പരിമളം അറിഞ്ഞില്ല നമ്മള്‍
മാനസ്സ മങ്ങല്യം നിന്മാറില്‍ അണിയിക്കാന്‍
അനുമതി തന്നില്ല ദൈവം
ഇനിയും കരിഞ്ഞില്ല മോഹം
അണയാതെ എറിയുന്നു ദാഹം.. ദാഹം...
(തോഴി നിനക്കൊരു കവിത )

അകലുവാന്‍ വിധിച്ചിട്ടും ആശകള്‍ നീയാകും
അഗ്നിയെ വലംവച്ച് നില്‍പ്പൂ
ഓര്‍മ്മയില്‍ ഹോമിക്കാന്‍ ഇന്നെന്‍റെ ഹൃദയത്തില്‍
ഒരുപിടി സ്വപ്‌നങ്ങള്‍ മാത്രം
ഇനിയും കൊഴിഞ്ഞില്ല സൂനം
വിടരുന്നു മധുമയ ഗാനം.. ഗാനം..
(തോഴി നിനക്കൊരു കവിത )