Last Modified: September 19 2022 09:42:20.
 ചിത്രപതംഗ സുമങ്ങൾ പാറും
ചൈത്ര സുഗന്ധികൾ നടമാടും
എത്ര മഹിത രസകലകൾ ചൂടും
അത്ര മനോജ്ഞം അഭിരാമം

(ചിത്രപതംഗ)

കാറ്റു വന്നു കാതിൽ ചൊല്ലിയ -
തരയാലിലകൾ കൈകൊട്ടി
കാവുംതൊടിയിലെ കനകനിലാവുകൾ
കസവണിയിപ്പൂ സുസ്മിതയെ
സങ്കൽപ്പ സൗന്ദര്യ സൗഗന്ധികം
ആരാമകന്ന്യയാം അനന്യസുമം

(ചിത്രപതംഗ)

'പുത്തനിൽ' നീന്തിയണർന്നു പുലരി
പുത്തനുടുത്തു പൊൻവെയിലായ്
ഞാറുകൾ നട്ടു വിയർത്തൊരുകാലം
നീന്തി മദിയ്ക്കും 'പുല്ലോഴി' ...
വീണുകിടന്നു തുടിയ്ക്കും മലയുടെ
വേണീ മുകിലൊരു സംഗീതം