Last Modified: March 29 2024 09:25:40.
അമ്പാടിക്കണ്ണനുണ്ണിയ്ക്കാടാനും പാടാനും
ഓംകാരമൊഴുകിയെത്തും വൃന്ദാവനം
ഹരിഹര പുത്രനോ ചന്ദന കുളിരാർന്ന
പരിമളം തിരയടിക്കും പൂങ്കാവനം

കാറൊളി വർണ്ണന്റെ കാലടി പൂവുകൾ
ശ്രീവത്സമായി ധരിക്കും യമുനയിലും
സ്വാമിതൻ തൃപ്പാദം തഴുകുന്ന പമ്പയിലും
നീരാടാൻ കഴിവതേ മഹാഭാഗ്യം

ഒരു കൃഷ്ണ തുളസിക്കതിർ മാത്രം മതിയെന്റെ
മുരളീധരൻ പേർക്കും കൃപ ചൊരിയാൻ
ഒരു ശരണം വിളി മാത്രം മതിയെല്ലോ അൻപെഴും
കലിയുഗ വരദന്റെ മനമലിയാൻ...