Last Modified: March 08 2022 15:06:47.

ആ വഴിത്താരയിൽ അന്നത്തെ രാത്രിയിൽ
കൂട്ടുകാരില്ലാത്ത യാത്രയിൽ
കൂരിരുൾ മൂടിയ മാത്രയിൽ

(ആ വഴിത്താരയിൽ )

അന്വേഷിക്കാതെ അന്വേഷിക്കാതെ
നിന്നെഞാനന്നു കണ്ടെത്തി (2)
അന്യൂനപ്രേമത്തിൻ ദിവ്യനക്ഷത്രമായ്
അന്നുനീ എന്തിന്നുവന്നെത്തി (2)

(ആ വഴിത്താരയിൽ )

മറ്റുള്ളോർക്കാർക്കും മനസ്സിലാവാത്തൊരു
മൗനത്തിൻ ഭാഷ നാം കൈമാറി (2)
ആനിമിഷത്തിൽ ഞാൻ ആമുഹൂർത്തത്തിൽ ഞാൻ
മണ്ണിലെ മാലാഖയായ് മാറി (2)

(ആ വഴിത്താരയിൽ )