Last Modified: April 13 2020 09:00:27.
 നീരജപ്പെണ്‍കൊടീ നീയെന്തിനെന്നുമീ
സൂര്യനെ മോഹിച്ചു നിന്നുൂ
ആയിരം കൈകളാല്‍ അവന്‍ വാരിപ്പുണരുന്ന
ആശ്ലേഷ സുഖമറിയാനോ
അതിന്നാവേശ നഖമണിയാനോ
പറയൂ പറയൂ നീ പറയൂ
(നീരജപ്പെണ്‍ കൊടീ)

ആവണി സരസ്സിലെ ഹംസങ്ങളാണോ
അനഘേ നിന്‍ പ്രിയ സഖികള്‍ (2)
ആ സഖികള്‍ക്കിന്നങ്ങിനെ നിന്റെ
അനുരാഗം അറിയിക്കാനാകും (2)
ആദിത്യനാവേശം കൈമാറാനാകും
(നീരജപ്പെണ്‍ കൊടീ)

നിളാപുളിനത്തില്‍ കളഗാനം മൂളും
കളിയച്ഛനോ നിന്‍ പ്രിയദൂതന്‍ (2)
അവധൂതനാകുമാദൂതനിന്ന്
അനുരാഗം അറിയിക്കാനാകും (2)
ആകാശദൂതിനാലറിയിക്കാനാകും
(നീരജപ്പെണ്‍ കൊടീ)