Last Modified: January 03 2013 13:45:46.

മതിലേഖ വിണ്ണിൽ മായും മുൻപേ
വരുമോ നീ ദേവാ എന്നരികിൽ
മനസ്സിന്റെ നാളം മങ്ങും മുൻപേ
തരുമോ നീ നാഥാ പൊൻകിനാക്കൾ
(മതിലേഖ വിണ്ണിൽ…)

മധുമാസം പോയിട്ടും മാമ്പൂ കൊഴിഞ്ഞിട്ടും
മദനന്റെ മലരമ്പാൽ മയങ്ങിപ്പോയി
മിഴിയിലോ നിൻ രൂപം മൊഴിയിലോ നിൻ രാഗം
കനവിലും നിനവിലും നീ മാത്രം
(മതിലേഖ വിണ്ണിൽ…)

കടമിഴി കലങ്ങീട്ടും കാലം കടന്നിട്ടും
കരളിലെ കാമുകൻ അണഞ്ഞതില്ലാ
ഉയിരിലോ നിൻ ചിത്രം ചൊടിയിലോ നിൻ ഗാനം
വരിയിലും വാക്കിലും നീ മാത്രം
(മതിലേഖ വിണ്ണിൽ…)