Last Modified: February 29 2012 14:33:17.

മദനപ്പൂങ്കിളി വന്നു മയിലാഞ്ചിപ്പാട്ടു പാടി
മണിയറവാതിൽക്കൽ നിന്ന നേരം
കളിവാക്കു ചൊല്ലി കുളിരുമ്മ നൽകി
കരളിന്റെ കൂട്ടിനുള്ളിൽ മാരനൊരുങ്ങി
മണിമാരനൊരുങ്ങി
മധുരനിലാവിൽ കിളികളുണർന്നു
കരളുകൾ പലപല കഥകൾ പറഞ്ഞു
(മധുരനിലാവിൽ......)
മാരനൊരുങ്ങി മണിമാരനൊരുങ്ങി
മദനപ്പൂങ്കിളി വന്നു മയിലാഞ്ചിപ്പാട്ടു പാടി
മണിയറവാതിൽക്കൽ നിന്ന നേരം
കളിവാക്കു ചൊല്ലി കുളിരുമ്മ നൽകി
കരളിന്റെ കൂട്ടിനുള്ളിൽ മാരനൊരുങ്ങി
മണിമാരനൊരുങ്ങി

കുറുമൊഴിത്തുമ്പത്തെ കടമിഴിയോരത്തെ
കവിതപോലെ ഓമൽ കനവുപോലെ
(കുറുമൊഴി.....)
മണിമാരൻ നൽകിയ പുന്നാര പൂമുത്തം - 2
അണിയുമ്പോൾ ആനന്ദ തളിരണിഞ്ഞു
(മദനപ്പൂങ്കിളി......)

കസവണിപൂക്കൾതൻ ഇശലുകൾ പാടുമ്പോൾ
കുണുങ്ങി നിന്നു മാറിൽ ഒതുങ്ങി നിന്നു
(കസവണിപ്പൂക്കൾ....)
തരിവളക്കൂട്ടങ്ങൾ കിന്നാരം ചൊല്ലുമ്പോൾ - 2
അറിയാതെ മാറത്ത്‌ കിളിയുണർന്നു
(മദനപ്പൂങ്കിളി.....)