Last Modified: August 17 2020 06:51:59.
ഗുരുപവനപുരേ ഉണരുന്ന പ്രകൃതിതന്‍
ചൊടിയില്‍ നിന്നുയരുന്നു ഭൂപാളം
കുളികഴിഞ്ഞെത്തും പുലര്‍കന്യ കൊളുത്തുന്നു
തിരുസന്നിധിയില്‍ മലര്‍നാളം

നിര്‍മ്മാല്യ ദര്‍ശന സുകൃതം നുകരാന്‍
മതിമറന്നൊഴുകുന്നു ജനസഞ്ചയം
നിരുപമസുന്ദരമാമൊരു ചിരിയാലെ
കനിഞ്ഞരുളീടുന്നു നീ അഭയം

തിരുവാകചാര്‍ത്തു കഴിഞ്ഞൊരുങ്ങുമ്പോള്‍
നറുനവനീതം നീ നുകരുമ്പോള്‍
ഒരു കള്ളനോട്ടമുണ്ടൊരു കള്ളചിരിയുമുണ്ടത്‌-
കാണാന്‍ കണ്ണാ നീ കനിയേണമേ