| വിശദവിവരങ്ങള്‍ | |
| വര്‍ഷം | 2023 |
| സംഗീതം | മുസ്തഫ അമ്പാടി |
| ഗാനരചന | റഫീഖ് അഹമ്മദ് |
| ഗായകര്‍ | ഹരിചരൻ ശേഷാദ്രി |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 19 2024 10:13:26.
കരിമേഘത്തഴപ്പിലും കൊടിമിന്നൽപ്പിണരുണ്ട് കരിങ്കടൽ കടന്നാലോ കരയൊന്നുണ്ട് കരിമേഘത്തഴപ്പിലും കൊടിമിന്നൽപ്പിണരുണ്ട് കരിങ്കടൽ കടന്നാലോ കരയൊന്നുണ്ട് കറുത്തവാവറുതിയിൽ ഉദിക്കും പൂനിലാവുണ്ട് കദനത്തിൻ പുഴക്കരെ കടവൊന്നുണ്ട് തോണിക്കടവൊന്നുണ്ട്...... നീ സാ...ഗരിഗരിസ നീസാ നീ രീ.....പമപമഗരീ ഗരിസനി നീസാ.... തുറക്കുന്നുണ്ടേ മുന്നിൽ തുറക്കുന്നേ............. കസവിന്റെ വിരിയിട്ട കിനാവിൻ വാതിൽ തുറക്കുന്നുണ്ടേ മുന്നിൽ തുറക്കുന്നേ കസവിന്റെ വിരിയിട്ട കിനാവിൻ വാതിൽ....വാതിൽ വിയർക്കുമീ വേനലിന്റെ നെടുമ്പാത തീർന്നുപോകും വഴിത്തണൽ ഇളംകാറ്റിൽ കുട നിവർത്തും നിറങ്ങളും സ്വരങ്ങളും അതിൽ നിറയും മപനിസ മപനിസ മപനിരിസാ പാധ പമപധ നീസാ...പാധ പമപധ നീസാ പാധ പമപധ നീസാ....പാധ പമപധ നീസാ........ വെളുക്കുന്നുണ്ടേ രാവ് വെളുക്കുന്നേ സുബഹിപ്പൊൻ കതിർവെട്ടം പരക്കുന്നുണ്ടേ വെളുക്കുന്നുണ്ടേ രാവ് വെളുക്കുന്നേ സുബഹിപ്പൊൻകതിർവെട്ടം പരക്കുന്നുണ്ടേ.....പരക്കുന്നുണ്ടേ മനസ്സിലെ മണിപ്പിറാവുറക്കം വിട്ടുണരുന്നു വെളിച്ചത്തിൻ മിനാരത്തേക്കുയർന്നീടുന്നു പുതുമഴ വരുമെന്ന് കുറുകീടുന്നൂ......... മപനിസ മപനിസ മപനിരിസാ..... കരിമേഘത്തഴപ്പിലും കൊടിമിന്നൽപ്പിണരുണ്ട് കരിങ്കടൽ കടന്നാലോ കരയൊന്നുണ്ട് കറുത്തവാവറുതിയിൽ ഉദിക്കും പൂനിലാവുണ്ട് കദനത്തിൻ പുഴക്കരെ കടവൊന്നുണ്ട് തോണിക്കടവൊന്നുണ്ട്...... നീ സാ...ഗരിഗരിസ നീസാ നീ രീ...പമപമഗരീ ഗരിസനി നീസാ....ഗരിഗരിസ നീസാ..... |
|