Last Modified: June 13 2012 07:19:06.
 


മാമല വാഴും ശ്രീമണികണ്ഠനെ
നേരിലെനിക്കൊന്നു കാണേണം (2)
കെട്ടുമെടുത്ത് ശരണം മുഴക്കി നമ്മൾ
പൂങ്കാവനമതിൽ കയറേണം
പൂങ്കാവനമതിൽ കയറേണം
(മാമല....)

പാപനിവാരണ മാർഗ്ഗമതാകുവാൻ
പടി പതിനെട്ടും കയറേണം
പാദരേണുക്കളിൽ കേണു വീണായിരം
കാര്യങ്ങൾ ചൊല്ലേണം
(മാമല....)

മോക്ഷപ്രദായക നിന്റെ മനോഹര
ചിത്ത രഥത്തിൽ ശയിക്കേണം(2)
സത്യസ്വരൂപാ നിൻ പാവനമാമൊരു
സന്നിധാനത്തിൽ ലയിക്കേണം
(മാമല....)